Kókshetaýda eski jer úıler súrilip, ornyna kópqabatty turǵyn úıler salynbaq (FOTO)
KÓKShETAÝ. QazAqparat - Aqmola oblysynyń ákimi Sergeı Kýlagın Kókshetaýdaǵy Kaptsevıch kóshesiniń boıynda júrgizilip jatqan kúrdeli jóndeý jumystarynyń barysymen tanysty, dep habarlady oblys ákiminiń baspasóz qyzmetinen.
Atap óteıik, bul kóshede jóndeý jumystary temir jol vokzalyna deıin, uzyndyǵy 4 590 metr aýmaqqa júrgiziledi. Jobanyń quny 800 mıllıon teńgeni quraıdy.
Búginde jumys qyzý qarqyn alǵan. Qurylys 3 kezeńge bólinip júrgiziledi jáne jumys aýqymyna sáıkes qyrkúıekke deıin sozylady. Bul kóshede jyldamdyq jolaǵynyń sany - 3, al keńdigi - 9 metrge deıin uzartylady. Oblys ákimi kósheni 5 qyrkúıekke deıin qoldanysqa berýdi tapsyrdy. Atap óteıik, Kaptsevıch kóshesi boıynsha jóndeý jumystary bitkennen keıin qalada kólikter aǵyny báseńdeıdi dep kútilýde.
Sondaı-aq, bıyl Kókshetaý qalasynda qalalyq kópqabatty úılerde de «Óńirlerdi damytý-2020» baǵdarlamasy boıynsha jóndeý jumystary júrgizilýde. Óńir basshysy jóndeý jumystary júrgizilip jatqan Pýshkın kóshesiniń boıynda ornalasqan 29 páterli turǵyn úıge de nazar aýdardy.
Merdiger kompanııa - «Azııa» JShS basshysy Shegen Segizbaevtyń aıtýynsha jumystar naýryz aıynda bastalǵan, jóndeý TÚKSh jańǵyrtý boıynsha, keri qaıtarylǵan qarajat esebinen júrgizilýde, jobanyń jalpy quny - 27,4 mıllıon teńge.
Munda 40 jumysshy kireberisterdi syrlaý jáne ákteý, áınekterin salý, jertóleni sýdan qurǵatý, qoqystan tazartý, shatyrlaý, aǵash qondyrǵylardy jóndeý sııaqty jumystardy oryndaýda.
Búginde qaladaǵy kópqabatty úılerdiń turǵyndary óz úılerinde jóndeý jumystaryn júrgizýge erekshe yntaly.
«Qala boıynsha keri qaıtarylǵan qarajat esebinen jóndeý júrgizýge turǵyndary tilek bildirgen 50 kópqabatty úı kezekte tur», - dedi qala ákimi E.Marjyqpaev.
Osy kúni aımaq basshysy Kókshetaý medıtsınalyq kolledjinde de bolyp, ujymmen kezdesti.
Sondaı-aq S.Kýlagın qaladaǵy súrilip jatqan eski úılerdiń jer telimderin qarady. Búginde qala ákimdigi Áýezov kóshesiniń boıyndaǵy osyndaı 8 jer telimderin satyp alǵan. Bıyl «Alýa-Qurylys» JShS jeke fırmasy osy eski úılerdiń ornyna 72 páterli úı salmaqshy.
Sondaı-aq osy kúni aımaq basshysy oblystyq «Oqjetpes» fýtbol klýbynyń jumysymen de tanysty. Bul jerdegi júrgizilip jatqan jóndeý jumystaryn 5 mamyrǵa deıin aıaqtaýdy tapsyrdy.
