Kókshetaýda esirtkige eltigen avtobýs júrgizýshi ustaldy
KÓKShETAÝ.QazAqparat - Kókshetaýda esirtkige eltigen qalaishilik baǵyttaǵy jolaýshylar avtobýsynyń júrgizýshi ustaldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, polıtsııaǵa qaladaǵy avtobýstardyń biriniń júrgizýshisi, 36 jastaǵy qala turǵyny esirtkige masaıǵan kúıde jolaýshylar tasymaldaıtyny týraly aqparat túsken. Osyǵan oraı ІІD Esirtki bıznesimen kúres jónindegi basqarmanyń qyzmetkerleri 12 qazan kúni keshki saǵat 19:00 shamasynda atalmysh júrgizýshini kólik aıdap júrgen jerinen ustaıdy.
"Medıtsınalyq tekseris barysynda avtobýs júrgizýshisiniń apıyn qabyldaǵany anyqtaldy. Ol apıyndy shprıts arqyly tamyr ishine ekken. Oǵan qosa onyń 1,5 aıdaı jolaýshylar tasymalymen aınalysyp júrgeni anyqtaldy", dep túsindirdi baspasóz qyzmetindegiler.
Qazirgi kezde, esirtkige əýes júrgizýshiniń ústinen QR ƏQbK 608 baby boıynsha is materıaldary jınalyp otyr. Osyǵan baılanysty júrgizýshi 3 jylǵa deıin kólik basqarý quqynan aıyrylýy múmkin. Jalpy, jyl basynan beri oblysta esirtkige qoldanyp kólik aıdaǵan 258 júrgizýshi ustalǵan.
