Kókshetaýda esirtki saýdasyna qatysty 34 jasar qala turǵyny qolǵa tústi
KÓKShETAÝ. Aqpannyń 8-i. QazAqparat /Janmurat Janaıdarov/ - Aqmola oblystyq ishki ister departamenti esirtki bıznesimen kúres basqarmasynyń jedel izdestirý toby qalalyq polıtsııa qyzmetkerlerimen birlesip júzege asyrǵan is-shara barysynda esirtki saýdasymen aınalysqan 34 jasar jergilikti turǵyndy qolǵa túsirdi,
dep habarlaıdy QazAqparat tilshisi oblystyq ishki ister departamentiniń baspasóz qyzmetine silteme jasap.
Kúdikti shartty «satyp alýshyǵa» polıetılenge oralǵan aq tústi untaqty kelisim baǵasyna ótkizgen. Saraptamalyq anyqtama júrgizý nátıjesinde onyń esirtki ekeni aıqyndalyp, kúdikti qamaýǵa alyndy. Tekseris júrgizý kezinde odan qosymsha 2,5 gramm esirtki zaty bary anyqtalyp, aıǵaqty dálelderi tárkilendi. Bir tań qalarlyǵy ol óziniń jymysqy áreketin qalanyń ortalyq kóshelerinde de júrgizip kelgen.
