Kókshetaýda esirtki saýdasymen aınalysqan aǵaıyndylar ustaldy
KÓKShETAÝ. QazAqparat - Kókshetaýda esirtki saýdasymen aınalysqan 27 jáne 20 jastaǵy aǵaıyndylar ustaldy, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha, kúdiktiler ІІD esirtiki bıznesimen kúres bólimshesi qyzmetkerleriniń nazaryna naýryz aıynda sońynda ilikken. Sodan beri polıtseıler arnaıy shara uıymdastyryp, 24 sáýir kúni aǵaıyndylardy salmaǵy 7 gramm «gashısh» satyp jatqan jerinde qolǵa túsirdi.
«Aǵaıyndylardyń úlkeni 27 jasta. Úılengen, kámelettik jasqa tolmaǵan bala tárbıeleýde. Al, 20 jastaǵy inisi ata - anasymen turady. Polıtseıler úılerin tintý kezinde esirtki zatyn qoldanatyn quraldardy tárkiledi. Keıin kúdiktilerdiń tanysy da ustaldy», dep túsindirdi baspasóz qyzmetindegiler.
Qazirgi kezde kúdiktiler ýaqytsha ustaý ızolıatoryna toǵytylyp, QR QK 297 babynyń 1 bólimi boıynsha sotaldy tergeý amaldary júrgizilýde. Sondaı-aq, birqatar saraptama taǵaıyndaldy.
