Kókshetaýda erli-zaıypty zeınetkerlerdi qatygezdikpen óltirgen kúdikti ustaldy
KÓKShETAÝ. QazAqparat - Kókshetaýda erli-zaıypty zeınetkerlerdi qatygezdikpen óltirgen kúdikti ustaldy, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qymetine silteme jasap.
Aıta keteıik, sáýirdiń 30-y kúni Kókshetaýda asa qatygezdikpen qınap óltirilgen 1937 jylǵy er adam men onyń 1943 jylǵy jubaıynyń denesi óz páterinde tabylǵan bolatyn. Asa aýyr qylmystyń betin ashýǵa Aqmola oblysynyń Polıtsııa departamenti men Kókshetaý qalasynyń polıtsııa basqarmasynyń jeke quramy tartyldy. Tájirıbeli tergeýshilerden turatyn jedel tergeý tobyna PD bastyǵy A.Baımýrzın jetekshilik etti.
«Birneshe nusqalar qaraldy. Nátıjesinde jedel tergeý sharasy kezinde kúdikti anyqtalyp, Kókshetaý qalasynda qolǵa tústi. Belgili bolǵandaı, sáýirdiń 29-y kúni Şýche qalasynyń 24 jastaǵy turǵyny tonaý úshin Esenberlın kóshesiniń boıynda ornalasqan kópqabatty turǵyn úıdiń birinshi qabatyndaǵy páterge kirgen. Alaıda, ony úı ıeleri kórip qalǵan, ol qylmystyń izin jasyrý úshin erli-zaıyptylardy óltirip, jeke múlikterin alyp ketken. Ustalǵan kezde, kúdiktiden zattaı dáıekter alyndy. Qazirgi kezde ol ýaqytshy ustaý oqshaýlaǵyshyna qamaldy. Sondaı-aq, QR QK 99 babynyń 2 bóligi boıynsha sotqa deıingi tergeý amaldary júrgizilýde», - dep túsindirdi PD baspasóz qyzmetindegiler.
Vedomstvodan atap ótkendeı, ózge aqparat tergeý múddesine oraı jarııalanbaıdy.
