Kókshetaýda er adam kópqabatty úıdiń terezesinen sekirmekshi boldy
KÓKShETAÝ. QazAqparat - Kókshetaýda turǵyn úıdiń besinshi qabatyndaǵy terezeden sekirmek bolǵan er adam qutqaryldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, keleńsiz jaǵdaı mamyrdyń 19-da keshki saǵat 21:30 bolǵan. Bul týraly Kókshetaý qalalyq PB kezekshi bólimine habarlanǵan.
«Er adam Baımuqanov kóshesiniń boıyndaǵy kópqabatty turǵyn úıdiń besinshi qabatyndaǵy terezeden sekirýge oqtalǵan. Aıtylǵan mekenjaıǵa polıtsııanyń aǵa leıtenanty A.Ábilqaıyrov jáne polıtsııa leıtenanty N.Kenjebekovtiń avtopatrýli jetti. Tártip saqshylary jedel qımyldap, sýıtsıd jasamaq bolǵan er adamdy qutqardy», - dedi vedomstvodan.
Belgili bolǵandaı, er adamnyń jasy 35-te jáne esh jerde jumys istemeıdi. Qazirgi kezde onyń ómirine qaýip tónip turǵan joq, týystarynyń qaraýynda.
