Kókshetaýda er adam áıeliniń qolynan qaza tapty
KÓKShETAÝ. QazAqparat - Kókshetaýda er adam áıeliniń qolynan qaza tapty, dep habarlaıdy QazAqparat tilshisi oblystyq PD baspasóz qyzmetine silteme jasap.
Eske sala keteıik, áleýmettik jelide Kókshetaý qalasynyń turǵynyn áıeli pyshaqtap óltirgeni týraly aqparat taraǵan bolatyn. Jelide jazylǵandaı erli-zaıyptylar qosylyp araq ishken. Artynsha ekeýiniń arasynda daý týyp, áıeli kúıeýine ashana pyshaǵyn suǵyp alǵan. Keıin er adam aýrýhananyń jansaqtaý bóliminde kóz jumǵan.
Vedomstvonyń málimeti boıynsha, qazirgi kezde 57 jastaǵy kókshetaýlyqtyń ólimine baılanysty QR QK-niń 99-baby 1-bóligi boıynsha sotqa deıingi tergeý amaldary júrgizilýde.
Osy qylmysqa kúdikti retinde 54 jastaǵy áıel ustaldy.
«Qazirgi kezde kúdiktiden túsinikteme alynyp, zattaı aıǵaqtar tárkilendi. Sot-medıtsınalyq saraptama taǵaıyndaldy. Kúdikti áıel ýaqytsha ustaý ızolıatoryna qamaldy», - dedi oblystyq PD-nyń baspasóz hatshysy Gúlnár Pınchýk.
