Kókshetaýda er adam 5-qabattan sekirmek boldy
KÓKShETAÝ. QazAqparat - Kókshetaýda 38 jastaǵy er adam 5 qabatty turǵyn úıdiń shatyrynan sekirip ketpek boldy, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha, búgin tańerteńgi saǵat 09:30 Kókshetaý qalasyndaǵy Qudaıberdıev kóshesiniń boıyndaǵy 5 qabatty turǵyn úıdiń shatyrynda belgisiz er adamnyń turǵany týraly aqparat túsken. Oqıǵa ornyna dereý jetken ýchaskelik ınspektor men jol-patrýldik polıtsııa batalonynyń qyzmetkerleri er adamdy jerge túsirip, jedel járdem qyzmetine tapsyrdy.
«Er adam 1980 jyly týǵan. Úılengen, Krasnoıar baǵytyndaǵy saıajaıda turady. Tórt kún boıy toqtaýsyz ishimdik ishken. Ol kópqabatty turǵyn úıdiń shatyryna shyǵyp, sekirip ólmek bolǵan. Oqıǵanyń naqty sebebi belgisiz», - dedi baspasóz qyzmetiniń hatshysy Gúlnər Pınchýk.
Er adam oqıǵadan keıin Aqmola oblysynyń psıhıhıtrııalyq aýrýhanasyna jatqyzyldy.
Eske sala ketsek, keshe elordada ólimge bas tigip, kópqabatty úıdiń shatyrynan sekirmek bolǵan er adam qutqarylǵan bolatyn.
Illıýstratsııalyq foto
