Kókshetaýda ekskavatorshynyń aıaǵynan aıyrylýy: Qylmystyq is qozǵaldy
KÓKShETAÝ. QazAqparat - Aqmola oblysyndaǵy «Altyntaý-Kókshetaý» JShS-niń altyn óndiretin kenishinde oryn alǵan tótenshe jaǵdaıǵa baılanysty qylmystyq is qozǵaldy. Bul týraly QazAqparat tilshisine oblystyq Іshki ister departamentiniń baspasóz hatshysy Gúlnər Pınchýk málim etti.
«Kəsiporynda oryn alǵan tótenshe jaǵdaıǵa baılanysty polıtsııa QR QK-niń 156-baby boıynsha (eńbekti qorǵaý erejesiniń buzylýy) is qozǵady», - dedi G.Pınchýk.
Eske salaıyq, 21 shilde kúni tańǵy saǵat 08:00 shamasynda «Altyntaý-Kókshetaý» JShS-nyń ashyq kenishinde taý jynysyn qoparyp jatqan ekskavatordyń ústine tastardyń úıindisi qulaǵan bolatyn. Tastar júrgizýshi otyrǵan kabınany basyp qaldy. Qursaýda qalǵan 1993 jylǵy júrgizýshi 11 saǵatqa jalǵasqan qutqarý jumystarynan keıin ǵana bosatyldy. Eki aıaǵy qatty zaqymdanǵan 25 jastaǵy jigit jedel járdemmen Aqmola oblystyq aýrýhanasyna jetkizildi.
Búgin belgili bolǵandaı, oǵan ota jasalǵan. Biraq uzaq ýaqyt boıy salmaǵy birneshe tonna tastyń astynda ezilip, qımylsyz jatqan onyń jansyz aıaqtaryn dərigerler saqtap qala almady. Oǵan ampýtatsııa jasaldy.
