Kókshetaýda eki jasar bala 7-qabattan qulap mert boldy
KÓKShETAÝ. QazAqparat - Kókshetaýda 2 jasqa taıaǵan bala 7-qabattaǵy páterdiń terezesinen qulap mert boldy, dep habarlaıdy QazAqparat tilshisi Aqmola oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, qaıǵyly jaǵdaı mamyrdyń 14-i kúni keshki saǵat 18:55 shamasynda bolǵan.
Bul týraly Kókshetaý qalalyq polıtsııa basqarmasynyń kezekshi bólimine jedel járdem feldsheri habarlap aıtqan.
«Abylaı han kóshesi, 15 mekenjaıynda ornalasqan 9 qabatty turǵyn úıdiń jetinshi qabatynan kishkentaı bala qulap ketti. Aldaǵy maýsym aıynda búldirshin 2 jasqa tolatyn edi», - dep aıtty QazAqparat tilshisiniń saýalyna Aqmola oblystyq polıtsııa departamenti baspasóz qyzmetindegiler.
Anyqtalǵandaı, búldirshin páterdiń ashyq turǵan terezesinen abaısyzda qulap ketken.
Vedomstvodan atap ótkendeı, qazirgi kezde oqıǵanyń mán-jaıy anyqtalyp jatyr.
Qazirgi kezde Qylmystyq kodekstiń 141-baby 2-bóligi boıynsha sotqa deıingi tergeý amaldary júrgizilýde.
