Kókshetaýda eki tapanshamen júrgen adam ustaldy
KÓKShETAÝ. QazAqparat - Kókshetaýda Ulttyq gvardııanyń áskerıleri balalardyń oıyn alańynda qolyna qos tapansha ustap júrgen er adamdy ustady, dep habarlaıdy QazAqparat tilshisi QR Ulttyq gvardııanyń baspasóz qyzmetine silteme jasap.
Vedomstvonyń málimetinshe, Ulttyq gvardııanyń 5510 áskerı bólimi jedel batalony komandıriniń orynbasary Vasılıı Gýnko qyzmettin atqarý kezinde turǵyn úılerdiń birindegi balalardyń oıyn alańynda qolyna qos tapansha ustap júrgen jigitti kózi shalyp qalǵan. Áskerı qyzmetker ýchaskelik ınspektordy shaqyryp, er adamdy polıtsııa basqarmasyna jetkizgen. Er adamnyń qolynda «makarov» pnevmatıkalyq tapanshasy men revolver bolǵan.
«Men er adamnyń turǵyn úı aýlasyndaǵy oıyn alańynda balalardyń kózinshe tapanshalardy bulǵaqtatyp júrgenin kórdim. Birden turǵyndardyń qaýipsizdigin oılap, odan qarýdy berýdi talap ettim. Er adam qarsylyq kórsetpesten qarýdy maǵan berdi. Keıin ýchaskelik ınspektor kelgen soń ekeýlep ony polıtsııa basqarmasyna jetkizdik. Ol óziniń qylyǵyn túsindire almady. Anyqtalǵandaı qarý oqtaýly bolǵan», - deıdi Ulttyq gvarıdıanyń áskerı qyzmetkeri.
