Kókshetaýda eki qarııany páterinde óltirip ketti
KÓKShETAÝ. QazAqparat – Kókshetaýda eki qarııa óz páterinde óli kúıinde tabyldy. Oqıǵaǵa baılanysty QR QK-niń 99-baby 2-bóligi (adam óltirý) boıynsha qylmystyq is qozǵady, dep habarlaıdy QazAqparat.
Aqmola oblystyq Polıtsııa departamenti baspasóz qyzmetiniń málimetinshe, belgisiz bireýler Esenberlın kóshesiniń boıynda ornalasqan kópqabatty úıdiń birinshi qabatyndaǵy páterge kirip, úı ıesi – 83 jastaǵy er adam men onyń 77 jastaǵy jubaıyn óltirip ketken. Erli-zaıyptylardyń denesi búgin, 30 sáýir kúni tańerteń tabylǵan.
«Qazirgi kezde atalǵan aýyr qylmystyń betin ashý boıynsha Polıtsııa departamenti jedel-izdestirý sharasyn júrgizip jatyr. Ózge aqparat tergeý múddesine oraı jarııalanbaıdy», - dep túsindirdi QazAqparat tilshisiniń saýalyna PD baspasóz qyzmetindegiler.
