Kókshetaýda dúkenshini soqqyǵa jyǵyp, aqshany alyp ketken kúdikti ustaldy
KÓKShETAÝ. QazAqparat - Kókshetaýda dúken tonaǵan eki adamnyń biri ustaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, 10 qarashada túngi saǵat 22:00 - da Kókshetaý qalalyq PB kezekshilik bólimine qaraqshylyq shabýyl týraly aqparat tústi.
Oqıǵa ornyna jetken jedel tergeý toby Abylaı han dańǵylyndaǵy azyq-túlik dúkeniniń satýshysyna qaraqshylyq shabýyl jasaǵanyn anyqtady. Dúkenge beınebaqylaý kamerasy ornatylmaǵan. Tártip saqshylary zardap shegýshi men kýágerlerden surastyra kele, kúdiktilerdiń ekeý bolǵanyn anyqtady. 56 jastaǵy zardap shegýshiniń sózinshe, kúdiktilerdiń biri ony sózben aldap turǵanda, ekinshisi aýyr zatpen basynan uryp esinen tańdyrǵan.
Osy kezde kúdiktiler kassadaǵy aqsha úptep, oqıǵa ornynan izin sýytady.
«Jedel-izdestirý sharasy kezinde jedel basqarý ortalyǵyndaǵy beınebaqylaý kamerasynyń kómegimen kúdiktilerdiń biri Kókshetaý qalasynyń 19 jastaǵy turǵyny ustaldy. Qazirgi kezde, osy oqıǵaǵa baılanysty QR QK-niń 192-baby boıynsha (qaraqshylyq) iz qozǵalyp, sotqa deıingi tergeý amaldary júrgizilýde», - deıdi vedomstvodan.
