Kókshetaýda dúkenge qaraqshylyq jasaǵan kúdikti ustaldy
KÓKShETAÝ. Qazaqparat - Kókshetaýda dúkenge qaraqshylyq jasaǵan kúdikti ustaldy, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń məlimeti boıynsha oqıǵa 30 naýryzda bolǵan. Bul týraly dúkenshiniń ózi polıtsııaǵa habarlaǵan.
Zardap shegýshiniń sózinshe, er adam tapanshamen qorqytyp, sóredegi azyq-túlik, aqsha jəne uıaly telefondy úptep ketken.
"Oqıǵa ornyna shuǵyl jetken polıtseıler keshendi izdestirý sharasy barysynda sol kúni kúdiktini qolǵa túsirdi.
Qazirgi kezde, 37 jastaǵy kúdikti ýaqytsha ustaý oqshaýlaǵyshyna qamalyp, ústinen QR QK 192 babynyń 2 bóligi (qaraqshylyq) boıynsha sotaldy is qozǵaldy.
Sonymen qatar, kúdiktiniń osyndaı ózge qylmystarǵa qatysy bar-joǵy anyqtalýda", dep túsindirdi baspasóz qyzmetindegiler.
