Kókshetaýda dúkenge qaraqshylyq shabýyl jasaǵan kúdikti ustaldy
KÓKShETAÝ. QazAqparat - Kókshetaýda azyq-túlik dúkenine qaraqshylyq shabýyl jasaǵan 34 jastaǵy kúdikti ustaldy, dep habarlaıdy QazAqparat tilshisi.
ІІD baspasóz qyzmetiniń deregi boıynsha aǵymdaǵy jyldyń 20 qańtarynda Kókshetaý qalalyq ІІB kezekshilik bólimine qaladaǵy dúkenderdiń biriniń satýshysy aryzdanǵan. Zardap shegýshi áıeldiń sózinshe, dúkenge basa kóktep kirgen er adam ony pyshaqpen qorqytyp, saýdadan túsken 40 000 myń teńge aqshasyn alyp ketken.
«Oqıǵa orynan jedel tergeý toby jetip, dúkenshiden oqıǵanyń mán-jaıyn surastyrdy jáne beınebaqylaý kamerasynyń jazbalaryn tekserdi.
Kúdikti betin tumshalaǵanyna qaramastan dúkenshi onyń ústine kıgen kıimderin jadynda saqtap qalǵan. Kúdikti arada 50 mınýt ótken soń sol mańdaǵy qonaqúılerdiń birinde ustaldy. Onda zattaı aıǵaq retinde urlanǵan aqsha men medıtsınalyq maska tárkilendi. Zardap shegýshi ony kıiminen biren tanydy»,- dep túsindirdi baspasóz qyzmetindegiler.
Qazirgi kezde, 34 jastaǵy kúdikti ustalyp, ústinen qaraqshylyq shabýylǵa baılanysty QR QK 192 babynyń 2 bóligi boıynsha sot aldy tergeý amaldary júrgizilýde. Kúdikti Soltústik Qazaqstan oblysy Aıyrtaý aýdanynyń turǵyny ekeni jáne Soltústik Qazaqstan oblysynyń Saýmalkól qalasynda birqatar urlyq jasaǵany anyqtaldy.
