Kókshetaýda dúkendi tonap, satýshysyn alyp ketken kúdikti ustaldy
KÓKShETAÝ. QazAqparat - Kókshetaýda dúkendi tonap, satýshysyn qorqytyp, alyp ketken kúdikti ustaldy, dep habarlaıdy «QazAqparat» HAA tilshisi.
ІІD baspasóz qyzmetiniń málimeti boıynsha, aǵymdaǵy jyldyń 28 maýsymynda Kókshetaý qalalyq ІІB kezekshilik bólimine Krasnyı ıAr eldi mekeniniń turǵyny habarlasyp, belgisiz er adamnyń aýyldaǵy azyq-túlik satatyn dúkennen 60 myń teńge aqshany urlap ketkenin aıtqan.
Oǵan qosa, ury 1983 jylǵy dúkenshini ózimen birge ala ketken. Bul týraly polıtsııaǵa dúkenshiniń kúıeýi habarlaǵan.
Oqıǵa ornyna dereý jetken jedel-tergeý toby kýágerlerden túsinikteme alyp, beınebaqylaý kameralaryndaǵy jazbany, buryn osyndaı qylmysy úshin sotty bolǵan adamdardy tekserdi. Polıtseıler ury dúkenshini jaldamaly páterlerdiń birinde jasyryp otyr degen kúdikpen Kókshetaýdaǵy osyndaı páterlerdiń barlyǵyn tintip shyqty. Nátıjesinde kúdikti maýsymnyń 29 kúni oblys ortalyǵyndaǵy jaldamaly páterlerdiń birinde jasyrynyp otyrǵan jerinde qolǵa tústi.
«Qazirgi kezde, zardap shegýshi áıel úıine jetkizildi. Al, kúdikti ýaqytsha ustaý oqshaýlaǵyshyna toǵytylyp, ústinen QR QK 191 babynyń 2 bólimi (urlyq) jáne QR QK 121 babynyń 1 bólimi (adam urlaý) boıynsha sotqa deıingi is qozǵaldy», dep kórsetilgen habarlamada.
