Kókshetaýda dúken órtendi

KÓKShETAÝ. QazAqparat – Kókshetaý qalasynyń Abylaıhan dańǵylynda ornalasqan dúkennen órt shyqty, dep habarlaıdy QazAqparat tilshisi.

Bul ǵımaratta azyq-túlik dúkeni men naýbaıhana ornalasqan. Órt naýbaıhana tusynan shyǵyp otyr. Qyzyl jalyn ǵımarattyń qabyrǵasyn sharpydy. Bastapqyda dúken qyzmetshileri tilsiz jaýdy óz kúshterimen aýyzdyqtaýǵa tyrysty. Keıin oqıǵa ornyna órt sóndirý brıgadasy jetti. Ázirge órttiń neden shyqqany belgisiz.

Aqmola oblystyq tótenshe jaǵdaılar departamenti baspasóz qyzmetiniń málimetinshe, órt búgin saǵat 13:17-de Abylaı han, 9A mekenjaıy boıynsha ornalasqan dúkende bolǵan. Oqıǵa ornyna departamenttiń jeke quramynan 13 adam jáne 2 arnaıy órt sóndirý tehnıkasy jóneltildi. Adamdar aman.

Eske salsaq, Aqmola oblysynda bir otbasyndaǵy 4 adam órtten kóz jumǵan edi.