Kókshetaýda dıplom jumysyn «jazatyn» alaıaq ustaldy
KÓKShETAÝ. QazAqparat - Kókshetaýda dıplomdyq jumys jazyp berýdi usynyp, alaıaqtyq jasap kelgen 38 jastaǵy áıel ustaldy, dep habarlaıdy QazAqparat tilshisi Aqmola oblystyq ІІD-niń baspasóz qyzmetine silteme jasap.
Polıtseılerdiń málimeti boıynsha, kúdikti áıel tanymal jarnama saıtyna tirkelip, dıplomdyq jáne kýrstyq jumystardy usynǵan.
«Bıylǵy jyldyń aqpan aıynda polıtsııaǵa jergilikti turǵynnan aryz tústi. Aryzdanýshynyń sózinshe, dıplomdyq jumysty jasap beretini týraly aqparatty ol jarnama saıttarynyń birinen tapqan. Keıin avtormen telefon arqyly sóılesken jigit dıplomdyq jumysqa qajetti óziniń talaptaryn aıtyp, oryndaýshynyń esep-shotyna suraǵan 25 myń teńge aqshasyn aýdarǵan. Alaıda, aqsha qolyna tıgen kúdikti telefonyn kótermeı qoıady. Krımınaldyq polıtsııa qyzmetkerleri birneshe aı boıy jedel-izdestirý sharasyn júrgizip, nátıjesinde 38 jastaǵy áıeldi qolǵa túsirdi», - dep túsindirdi ІІD baspasóz qyzmetindegiler.
Qazirgi kezde, kúdiktiniń ústinen QR QK 190-babynyń 1-bóligi boıynsha sotaldy tergeý amaldary júrgizilýde. Sonymen qatar, polıtseıler alaıaqtyq qylmystyń qurbany bolǵan ózge de adamdardy izdestirýde. ІІD Krımınaldyq polıtsııa basqarmasynyń baılanys nomeri: 72-32-96.
