Kókshetaýda dástúrli 2-shi qaıyrymdylyq baly ótti (FOTO, VIDEO)
«Arıstokrat» meıramhanasynda uıymdastyrylǵan sharaǵa oblystyń ár óńirinen jınalǵan memlekettik organdardyń, bıznes qurylymdardyń, memlekettik emes uıymdardyń, BAQ ókilderi jáne depýtattar qatysty. Qonaqtardyń qatarynda oblys ákiminiń orynbasary Nurlan Nurkenov, Qazaqstan isker áıelderi qaýymdastyǵynyń tóraıymy Raýshan Sarsenbaeva jáne «Nur Otan» partııasynyń Aqmola oblystyq fılıaly tóraǵasynyń birinshi orynbasary Ǵalym Bekmaǵambetov boldy.
Quttyqtaý sóz sóılegen N.Nurkenov osymen ekinshi ret uıymdastyrylyp otyrǵan sharanyń qoǵamdyq mańyzy zor ekenin atap ótti.
«Bul jobanyń búgingi qoǵam úshin mańyzy zor. Adamdardy joǵary mádenıettilikke qana bastap qoımaıdy, sonymen qatar, muqtaj jandarǵa bir sát nazar aýdarǵa jáne qıyn jaǵdaıda qalǵan áıelderge qoldaý, kómek kórsetý úshin qaıyrymdylyqqa shaqyrady», dedi N.Nurkenov óz sózinde.
Shara barysynda bızneste de, qoǵamdyq ómirde de jetistikke jetip otyrǵan óńirdegi birqatar isker áıelder marapattalyp, qurmet kórsetildi.
Bal da klassıkalyq bıler men ánder aıtyldy. Sondaı-aq, múgedek, ata-ananyń qamqorynsyz qalǵan jetim balalardyń qolymen jasalynǵan shyǵarmashylyq jumystarynyń kórmesi ótip, qonaqtarǵa satyldy.
Uıymdastyrýshylardyń aıtýynsha, jalpy qaıyrymdylyq sharasynan túsken qarajattyń bir bóligi naýqas balalaryn emdeý úshin 3 otbasyna jáne 6 bala tárbıelep otyrǵan jalǵyz basty áıelge jalǵa alǵan páter aqysy men zańnamalyq qyzmet alý úshin berilmek. Qalǵan bóligi jyl sońyna deıin áleýmettik aktsııalar men muqtaj otbasylaryna kómek retinde jumsalatyn bolady. 
