Kókshetaýda dámhananyń shatyry janyp ketti
KÓKShETAÝ. QazAqparat – Kókshetaýdyń ortalyǵynda «Absheron» dámhanasynan órt shyqty, dep habarlaıdy QazAqparat tilshisi.
Aqmola oblystyq TJD baspasóz qyzmetiniń málimetinshe, 9 tamyz saǵat 16.25-te «101» pýltine Kókshetaýdaǵy Abaı dańǵyly, 82 meken-jaıyndaǵy («Altyn ǵasyr» SÚ) «Absheron» dámhanasynan órt shyqqany týraly habar túsken.
«Oqıǵa ornyna TJD 17 qyzmetkeri men 4 tehnıka jiberildi. 12 sharshy metr aýmaqta dámhananyń shatyry janyp jatqany belgili bolǵan. Órt 16.38-de aýyzdyqtalyp, 16.50-de sóndirildi. Eshkim zardap shekpegen. Atalǵan fakti boıynsha órt-tehnıkalyq zertteý taǵaıyndaldy. Órttiń shyǵý sebebi anyqtalyp jatyr», - dedi Kókshetaý qalalyq TJB bastyǵy Áset Jaqsylyqov.
Óńir qutqarýshylary jergilikti turǵyndardy órt qaýipsizdigi erejelerin saqtaýǵa, tótenshe jaǵdaı bolǵanda birden «101» nemese «112» qutqarý qyzmetine habarlasýǵa shaqyrdy.
Avtory: Oksana Matasova
