Kókshetaýda «Chia Tai Tianging» qarjy pıramıdasyna qatysty is qozǵaldy

ASTANA. KAZINFORM - Kókshetaýda «Chia Tai Tianging» qarjy pıramıdasynyń qurylymdyq bólimshesiniń basshysy Telegram messendjeri arqyly jarnama taratqan.

Asa iri mólsherde aqsha tartý men qarjy pıramıdasyn jarnamalaý faktisin QMA Aqmola oblysy boıynsha departamenti tergeýde.

Kókshetaý qalasyndaǵy «Chia Tai Tianging» qarjy (ınvestıtsııalyq) pıramıdasynyń qurylymdyq bólimshesiniń basshysy ınvestorlardy tartqany, sol arqyly jańa salymshylarǵa turaqty negizde eshqandaı táýekelsiz, kepildi kiristi ýáde etkeni, ol úshin zańsyz paıda tapqany anyqtaldy.

Zańsyz áreketterdiń nátıjesinde qarjy pıramıdasynyń aınalymyna azamattardyń jalpy somasy 291 mln teńgeden astam aqshalaı qarajaty tartylǵan.

Qazirgi ýaqytta qylmystyq is sotta qaralýda, QR QPK-niń 201-babyna sáıkes ózge de aqparat taratylýǵa jatpaıdy.