Kókshetaýda buzaqylardyń qolynan qaza bolǵan sportshynyń ózi qylmys jasaǵan
KÓKShETAÝ. QazAqparat - Kókshetaýda buzaqylardyń qolynan qaza bolǵan sportshynyń ózi qylmys jasaǵan. Bul týraly BAQ ókilderimen ótken kezdesýde Aqmola oblystyq ІІD basshysynyń orynbasary Erbol Júsipov məlim etti, dep habarlaıdy "QazAqparat" HAA tilshisi.
Eske salaı keteıik, osyǵan deıin tanymal sportshy paýerlıftıngten álem chempıony Evgenıı Galýzınskııdiń buzaqylardyń qolynan qaza bolǵany týraly aqparat jarııalaǵan bolatynbyz. Polıtseılerdiń málimeti boıynsha qaıǵyly oqıǵa aǵymdaǵy jyldyń 14 naýryzynda, túngi 03:00-derde Kókshetaý qalasyndaǵy avtoqalashyq shaǵynaýdanynda oryn alǵan.
Dosymen birge úıine bara jatqan 25 jastaǵy sportshyny bir top jas jigit toqtatady. Araqqa sylqııa toıyp alǵan jigittermen birden sózge kelip, olardyń arasynda tóbeles shyǵady. Bes jigit Evgenıı men onyń dosyn soqqyǵa jyǵady. Dosy qaskóılerden sytylyp shyǵyp, sol mańdaǵy «Roma» dúkenine kómek shaqyrýǵa júgiredi. Osy kezde buzaqylardyń biri sportshyǵa birneshe jerden pyshaq suǵyp úlgeredi. Alǵan aýyr jaraqattan Evgenıı kóp uzamaı kóz jumǵan. Oqıǵa ornyna dereý jetken polıtseıler atalǵan dúkendegi beıne jazbany tekserip, kóp uzatpaı kúdiktilerdi qolǵa túsiredi. Kúdiktiler - 1997-1999 jylǵy stýdentter. Onyń arasynda 1999 jylǵy kúdikti qylmysyn moınyna alyp, ústinen QR QK 99-babynyń 1-bólimi boıynsha (adam óltirý) sotqa deıingi is qozǵaldy. Al, qalǵan kúdiktilerge qatysty kelip, tirkelip otyrý sharasy qoldanylyp, QR QK 293 -babynyń 2-bólimi boıynsha sotqa deıingi is júrgizilýde.
Evgenıı Galýzınskıı paýerlıftıngten balǵyndar arasynda əlem chempıony, jastar arasynda əlem chempıonatynyń júldegeri, QR birneshe dúrkin chempıony. 2009 jyly Brazılııada paýerlıftıngten IPF nusqasy boıynsha tórt mərte əlem rekordtyn jańartty. Marqumnyń artynda əıeli men 1,5 jastaǵy qyzy qaldy.
ІІD basshysy orynbasarynyń aıtýynsha, kúdiktilerdiń barlyǵy 18-20 jastaǵy jergilikti turǵyndar - "Kókshe" akademııasynyń stýdentteri. "Tergeý amaldary barysynda anyqtalǵandaı, sol kúni eki jaqtyń alkogoldik ishimdik iship alǵany rastalyp otyr. Dúkendegi beıne taspa jəne kúdiktiniń túsiniktemesi boıynsha birinshi Galýzınskıı judyryq jumsaǵan", dep túsindirdi E. Júsipov.
Sonymen qatar, ol Evgenıı Galýzınskııdiń urlyq úshin isti bolǵanyn atap ótti. Alǵash ret 2016 jyldyń tamyzynda oblystyq balalar aýrýhanasyna 3 ottegi balonyn urlaǵan. Onda zardap shegýshi tarappen mámilege kelgen. Aǵymdaǵy jyldyń aqpanynda urlyq jasamaq bolǵany úshin taǵy da QR QK 187-baby boıynsha isti bolǵan. Bul joly is kúdiktiniń ólýine baılanysty qylmystyq is jabylǵan.
Sóz sońynda ІІD basshysynyń orynbasary kúdiktilerdiń barlyǵy qylmystan qutylmaı, tıisti jazasyn alatyn aıtyp sendirdi.
