Kókshetaýda buzaqy kólikke oq atqan
KÓKShETAÝ. QazAqparat – Kókshetaýda jedel basqarý ortalyǵynyń beınebaqylaý kamerasynyń kómegimen kólikke oq atqan buzaqy ustaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, qylmys shildeniń 30-da oblys ortalyǵyndaǵy B.Áshimov kóshesiniń boıyndaǵy turǵyn úı aýlasynda oryn alǵan. Zardap shegýshiniń sózinshe, sózge kelip qalǵan beıtanys jigit onyń Land Cruiser Prado kóligine birneshe ret oq atyp, keıin oqıǵa ornynan qashyp ketken.
«Oqıǵa men kúdikti týraly málimetter birden patrýldik polıtsııa jasaǵyna joldandy. Patrýldik polıtsııa ekıpajy oqıǵa bolǵan aýmaqty qorshap aldy. Al, Jedel basqarý ortalyǵynyń kezekshisi sol mańdaǵy beınebaqylaý kamerasyndaǵy jazbany zerttedi. Arada birer mınýt ótkende kúdikti Temirbekov jáne Aqan seri kósheleriniń qılysynda kameraǵa túsip qaldy. Kúdiktiniń qolynda tapanshaǵa uqsas zat boldy. Beınebaqylaý ıspektory birden barlyq avtopatrýl men jaıaýjasaqty qulaǵdar etti», - dep aıtty vedomstvodan.
Kúdiktini patrýl polıtsııa batalonynyń qyzmetkerleri A.Baımuqanov kóshesiniń boıyndaǵy turǵyn úıdiń aýlasynda ustap, «Stalker» tapanshasyn tárkiledi.
«Qazirgi kezde atalmysh oqıǵaǵa baılanysty QR QK 293-babynyń 1-bólimi boıynsha is qozǵalyp, sotqa deıingi tergeý amaldary júrgizilýde», - dep tolyqtyrdy vedomstvodan.
