Kókshetaýda bir otbasyndaǵy tórt adamnyń qazasynyń sebebi anyqtalyp jatyr

ASTANA. KAZINFORM - Kókshetaýda tórt adamnan turatyn otbasy túsiniksiz jaǵdaıda qaıtys boldy. Úılerinen ata-anasy men kámeletke tolmaǵan 5 jáne 11 jastaǵy eki balanyń máıiti tabyldy, dep habarlaıdy Kazinform tilshisi.

Qutqarýshylardyń aıtýynsha, oqıǵa ornynda kómirtegi totyǵynyń izi tabylmaǵan.

Aqmola oblystyq polıtsııa departamentiniń baspasóz qyzmeti bul oqıǵaǵa qatysty qylmystyq is qozǵalǵanyn túsindirdi. 

- Tórt adamnyń, onyń ishinde eki kámeletke tolmaǵan balanyń ólimine qatysty QR QK 3-bóligi boıynsha sotqa deıingi tergeý júrgizilip jatyr. Qazaqstan Respýblıkasy Qylmystyq kodeksiniń 306 (qaýipsizdik talaptaryna sáıkes kelmeıtin taýarlardy shyǵarý nemese ótkizý, jumystardy oryndaý nemese qyzmetterdi kórsetý) boıynsha qylmystyq is qozǵaldy, - dep túsindirdi departamentte. 

Tergeý aıasynda tıisti saraptama taǵaıyndaldy.