Kókshetaýda boıjetken mektep aýlasynda asylyp qalǵan
KÓKShETAÝ. QazAqparat - Kókshetaýda mektep aýlasynda asylyp qalǵan boıjetkenniń denesi tabyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, bıylǵy jylǵy shildeniń 20-da saǵat 9:50 Áýelbekov kóshesi 177 mekenjaıy boıynsha ornalasqan №16 orta mektep aýmaǵynda asylyp turǵan qyzdyń denesi tabylǵandyǵy týraly 102 jelisine telefon arqyly habarlanǵan.
«Shaqyrý ornyna Kókshetaý qalalyq PB jedel-tergeý toby baǵyttaldy. Asylyp qalǵan boıjetkenniń Kókshetaý qalasynyń 18 jastaǵy turǵyny ekeni anyqtaldy. Osy derekke baılanysty Qylmystyq kodekstiń 105-baby 1-bóligi «ózin ózi óltirýge jetkizý» boıynsha sotqa deıingi is qolǵa alynyp, saraptama taǵaıyndaldy. Oqıǵanyń sebepteri men mán-jaılary anyqtalý ústinde», - dep túsindirdi QazAqparat tilshisiniń saýalyna PD baspasóz qyzmetiniń jetekshisi Gúlnar Pınchýk.
Aıta ketsek, budan buryn ALJIR mýzeıinde lıft qulap, eki áıel jaraqat alǵanyn jazǵan edik.
