Kókshetaýda boıaýlar merekesi ótti
KÓKShETAÝ. QazAqparat - Kókshetaýda «ıARKO kross» boıaýlar merekesi ótti, dep habarlaıdy QazAqparat tilshisi.
Oblys ortalyǵyndaǵy Táýelsizdik alańynda uıymdastyrylǵan sharany qala turǵyndary men qonaqtary qatysyp, tamashalady.
«Posadi DDerevo.kz» qoǵamdyq qorynyń tóraıymy Evgenııa Belıaevanyń málimetinshe, birinshi festıval 2013 jyly Almaty qalasynda ótkizilip, eki júz elý qatysýshy jınalǵan eken.
«Osydan eki jyl buryn «ıARKO kross» Aqmola óńirinde alǵash ret Býrabaı kýrortynda ótkizildi. Jyl ótken saıyn qatysýshylardyń sany artýda. Bul joly bul sharaǵa qatysýǵa tilek bildirgenderdiń sany 500 adam, bolsa naqty qatysqany myńnan asty», - deıdi Evgenııa Belıaeva.
Aıta ketý kerek, atalmysh qaıyrymdylyq sharasy bıylǵy jyly Nur-Sultan, Almaty jáne Qaraǵandy qalalarynda da uıymdastyryldy. Qatysýshylar 5 shaqyrym qashyqtyqty júgirip ótti. Sondaı-aq, qatysýshylardyń arasynda ártúrli oıyndar ótkizilip, jeńimpazdarǵa syılyqtar tapsyryldy. Kókshetaýda uıymdastyrylǵan sharaǵa «Kókshetaý mıneraldy sýlary» AQ demeýshilik kómek kórsetti.
