Kókshetaýda bopsalaýshylar toby ustaldy
KÓKShETAÝ. KAZINFORM – Ótken demalys kúnderi Kókshetaý qalasynda uıymdasqan qylmysqa qarsy kúres qurylymy, patrýldik polıtsııa jáne jedel basqarý ortalyǵy qyzmetkerleriniń birlesken kúsh-jigerimen bopsalaýshylar tobynyń áreketi toqtatyldy.
Jedel qyzmetkerleriniń málimetinshe, bopsalaý faktisi boıynsha ótinish Astana qalasynyń polıtsııasyna túsken. Elorda turǵyny belgisiz adamdar ulyn zańsyz ustap, odan 200 000 teńge bopsalap jatqanyn habarlaǵan.
Polıtsııa qyzmetkerleri áıeldiń bergen málimeti boıynsha qaskúnemderdiń júretin kóligin anyqtady. 1 naýryzda kórsetilgen kólik Kókshetaý qalasyndaǵy jedel basqarý ortalyǵynyń kameralaryna túsip qalǵan. Avtokólik týraly aqparat dereý patrýldik jasaqtarǵa jiberildi. Kólik toqtatylyp, júrgizýshi men jolaýshylary polıtsııaǵa jetkizildi. Іs júrgizý barysynda bir jolaýshydan 45 túıinshek tabyldy, sıntetıkalyq esirtki bolýy múmkin.
Tárkilengen túıinshikter saraptamaǵa jiberildi. Sonymen qatar uıymdasqan qylmysqa qarsy kúres basqarmasynyń qyzmetkerleri eki kúdiktiniń bopsalaý faktisine qatystylyǵyn tekserip jatyr. Barlyq fakti boıynsha sotqa deıingi tergep-tekserýler bastaldy, qajetti tergeý sharalary júrgizilip jatyr.
Aıta ketelik ońtústikte bopsalaýmen aınalysqan top ustalǵan edi.