Kókshetaýda BMW X5 júrgizýshisi jaıaý júrginshini ádeıi qaqqan
KÓKShETAÝ. QazAqparat - Kókshetaýda jergilikti seriktestikterdiń biriniń aýmaǵynda júrgizýshi ózimen birge turatyn áıeldi qaǵyp ketti, dep habarlaıdy «QazAqparat» HAA tilshisi.
«Búgin saǵat 9.15-te telefonymyzǵa túsken habarlamada, BMW X5 avtomobıliniń júrgizýshisi jaıaý áıeldi qaǵyp, oqıǵa orynan qashyp ketkeni týraly aıtyldy», - dedi Aqmola oblystyq ІІD baspasóz qyzmetiniń jetekshisi Gúlnar Pınchýk.
Jedel tergeý toby anyqtaǵandaı, 30 jastaǵy júrgizýshi seriktestik aýlasyna oıyndaǵy maqsatyn júzege asyrý úshin kelgen. Osy mekemede esepshi bolyp jumys isteıtin, 1980 jyly týǵan áıeldi ol ádeıi qaǵyp ketken.
Jedel-izdestirý is-sharalarynyń arqasynda júrgizýshi qolǵa tústi. Onyń ústinen QR QK 99 babynyń 1 bóligi boıynsha qylmystyq is qozǵalyp, sotqa deıingi tergeý jumystary bastalyp ketti. Kúdiktiniń kóligi aıyp turaǵyna qoıyldy.
