Kókshetaýda birneshe márte qoldanýǵa bolatyn medıtsınalyq maska shyǵarylýda
KÓKShETAÝ. QazAqparat - Kókshetaýda birneshe márte qoldanýǵa bolatyn medıtsınalyq maska shyǵarylýda, dep habarlaıdy QazAqparat tilshisi.
«Tynys» zaýyty basshylyǵynyń aıtýynsha, búgingi kúni zaýytta medıtsınalyq maska shyǵarý qyzý qolaǵa alynǵan. Rezeńkemen qaptalyp, dákemen oralǵan maskany bir emes, birneshe ret qoldanýǵa bolady.
«Biz medıtsınalyq maskany shyǵarý jumysyn senbi kúni bastadyq. Búgingi kúni barlyǵy 4 myńǵa jýyq masqa bar. Erteń onyń sanyn 7 myńǵa jetkizemiz. Mundaǵy shıkizat ózimizdiki», - deıdi tigin tsehiniń basshysy Medibaı Ájibek.
Osy rette, zaýyt zaýyt ujymy tolyq medıtsınalyq maskamen qamtylǵan. «Kókshetaý avtobýs parki» JShS, temirjol vokzaly jáne avtovokzal sııaqty jergilikti mekemelerden tapsyrys túsýde.
Onymen qatar, birinshi kezekte medıtsınalyq mekemeler men quqyq qorǵaý, azamattyq qorǵanys organdarynyń qyzmetkerlerin medıtsınalyq maskamen qamtamasyz etý josparlanǵan.
Aıta keteıik, osyǵan deıin habarlaǵanymyzdaı, Kókshetaýlyq zaýyt óz bazasynda medıtsınalyq maska shyǵarýǵa daıyn ekeni aıtylǵan bolatyn.
