Kókshetaýda birneshe kósheni sý basty
Saıttaǵy málimetterge qaraǵanda, ásirese, qala shetindegi shaǵyn aýdandardaǵy jaǵdaı qıyn. Kósheni basqan sýdan jergilikti turǵyndar aıaq alyp júre almaıdy. Jalpy, qaladaǵy tasqyn qaýipsizdigine bir kásiporyn jaýapty. Shaǵyn shahardyń ózine júzge jýyq tehnıka jumyldyrylǵan. Budan bólek, jergilikti qutqarýshylar da kún-tún demeı, erigen qar sýymen kúresip jatyr.
«Kúnniń kúrt jylynýyna baılanysty qaladaǵy birneshe shaǵynaýdanda osyndaı jaǵdaı tirkeldi. Qutqarýshylar men atqarýshy kompanııa ókilderi qyzý jumys istep jatyr. Qazir jeke sektordaǵy qalǵan qardy shyǵaryp, aryqtardy tazalap jatyrmyz. Ázirge kóshelerdi sý shaıǵanmen, úılerdi sý basý deregi tirkelgen joq. Qatań baqylaýda ustap otyrmyz»,-dedi qalalyq Tótenshe jaǵdaılar basqarmasynyń basshysy Maksım Shatkovskıı.
