Kókshetaýda bir mezette 3200-den astam adam «Qara jorǵa» bıin bıledi
Taýdyń basyna jınalǵan qaladaǵy kásiporyn jumysshylary men stýdentter, mektep oqýshylary aınalasy 20 mınýt boıy «Qara jorǵa» bıin bıledi. Kásiporyn jumysshylary arnaıy jumys kıimin kıip shyqsa, shyǵarmashylyq ujymdar ulttyq kıimmen bıledi.
«Aktsııanyń maqsaty - eresekter men ósip kele jatqan keleshek jastarǵa estetıkalyq tárbıe berip, horegrafııalyq shyǵarmashylyǵyn arttyrý. Aktsııa arqyly halyqtyń «Qara jorǵa» ulttyq bıine kóńilin aýdarý. Oǵan qosa, estrada jáne halyqtyq bıdi nasıhattaý», dep túsindirdi Kókshetaý qalalyq mádenıet jáne tilderdi damytý bóliminiń basshysy Aıgúl Sábıtova.
Onyń sózinshe, «Qara jorǵa bıleıik!» aktsııasy Memleket basshysy N.Nazarbaevtyń «Bolashaqqa baǵdar: rýhanı jańǵyrý» atty maqalasyndaǵy mindetterdi júzege asyrý aıasynda qolǵa alynyp otyr. Aldaǵy ýaqytta óńirlik aıtys uıymdastyrý josparlanǵan.
