Kókshetaýda bir kúnde eki adam júrginshi jolynda kóliktiń astyna tústi
KÓKShETAÝ. QazAqparat - Kókshetaýda bir kúnde eki jaıaý júrginshini kólik qaǵyp ketti. Olar túrli jaraqatpen aýrýhanaǵa tústi, dep habarlaıdy QazAqparat tilshisi.
Aqmola oblysy Polıtsııa departamenti baspasóz qyzmetiniń málimetinshe, 30 qazanda keshki saǵat 18:20 shamasynda M.Ǵabdýllın kóshesiniń boıymen Saryarqa shaǵyn aýdanyna qaraı júrip bara jatqan Kókshetaý qalasynyń 25 jastaǵy turǵyny basqarǵan «Lada 217230» avtokóligi rettelmeıtin jaıaý júrginshiler jolynan ótpek bolǵan 23 jastaǵy boıjetkendi qaǵyp ketti.
«Jol - kólik oqıǵasy saldarynan boıjetken oblystyq kópbeıindi aýrýhananyń qabyldaý bólimine «aıaq synyǵy» dıagnozymen jetkizildi», - dep vedomstvodan.
Dál sol kúni keshkilik ýaqytta M.Áýezov kóshesiniń boıymen júrip kele jatqan «Daewoo Nexia» avtokóliginiń júrgizýshisi №175 úıdiń mańynda rettelmeıtin jaıaý júrginshiler jolynda 26 jastaǵy qala turǵynyn qaǵyp ketti.
«Saldarynan áıel adam «jambas súıeginiń tómengi ushynyń synýy» dıagnozymen aýrýhanaǵa jatqyzyldy», - dep tolyqtyrdy vedomstvodan.
Vedomstvodan atap ótkendeı, osy eki oqıǵaǵa baılanysty eki júrgizýshiniń ústinen Qylmystyq kodekstiń 345-shi babynyń 1-bóligi boıynsha sotqa deıingi tergeý amldary júrgizilýde.
