Kókshetaýda bir-birine pyshaq ala júgirgenderge polıtsııa arasha tústi
KÓKShETAÝ. QazAqparat - Kókshetaýda bir-birine pyshaq ala júgirgen eki adamnyń tóbelesine polıtsııa qyzmetkeri arasha tústi, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha oqıǵa 8 sáýir kúni bolǵan.
«Ýchaskelik polıtsııanyń aǵa leıtenaty Álıhan Qojanov ózine bekitilgen aýmaqtaǵy turǵyn úılerdiń biriniń aýlasynda eki er adamnyń tóbelesip jatqanyn baıqap qalady. Dereý baryp qoǵamdyq tártipti buzyp otyrǵan ekeýiniń arasyna arasha túsedi. Osy kezde jaǵa jyrtysyp jatqan adamdardyń biri ekinshisine ishinen pyshaq salyp úlgeredi.
Alaıda, der kezinde oqıǵan ornynan tabylǵan Álıhan kúdiktini qoıan-qoltyq urys ádisimen pyshaǵyn qaǵyp aldy. Al, zardap shekkenniń jarasyn oqıǵa kýágerleriniń kómegimen tanyp, jedel járdem qyzmetkerlerine tapsyrady.
Keıin belgili bolǵandaı ustalǵan adam turǵylyqty mekenjaıy joq, zardap shegýshimen birge qosylyp araq ishken. Keıin ekeýara janjal shyǵyp, sońy qandy tóbeleske ulasqany anyqtaldy», - dep túsindirdi ІІD baspasóz qymeti.
Qazirgi kezde, osy oqıǵaǵa baılanysty QR QK-niń 106-baby 1-bóligi boıynsha sotqa deıingi is qozǵaldy.
Sonymen qatar ІІD basshylyǵy qylmyskerdi ustaýda erlik pen kásibı sheberlik tanytqan Álıhan Qojanovty marapattaý týraly sheshimge kelip otyr.
