Kókshetaýda bilim ordasynyń ashanasynan tútin shyǵyp, 160 adam evakýatsııalandy
KÓKShETAÝ. QazAqparat – Kókshetaýdaǵy M.Ǵabdýllın atyndaǵy №3 mamandandyrylǵan gımnazııa ashanasynan tútin shyǵyp, 160 adam evakýatsııalandy. Onyń 140-y oqýshy, deıdi QazAqparat tilshisi.
Kókshetaý qalalyq bilim bóliminiń málimetinshe, tótenshe jaǵdaı búgin aqpannyń 10-da keshki saǵat 19:14-te bolǵan.
«Kókshetaýdaǵy M.Ǵabdýllın atyndaǵy №3 mamandandyrylǵan gımnazııa ashanasynda elektr peshke qoıylǵan tamaq kúıip, tútin shyqty. Osynyń saldarynan gımnazııada bolǵan 160 adam (onyń 140-y oqýshy) evakýatsııalandy. Zardap shekkender joq. Gımnazııa qyzmetkerleri jedel áreket etip, tıisti organdardy shaqyrtty», - deıdi Kókshetaý qalalyq bilim bólimindegiler.
