Kókshetaýda baıqaýshylardyń saılaýǵa daıyndyǵy týraly aıtyldy
«Qazaqstannyń Azamattyq Alıansy» ZTB Aqmola fılıalynyń basshysy Irına Terenteva quttyqtaý sózinde aldaǵy saılaýdaǵy azamattyq sektor baqylaýshylarynyń erekshe rólin atap ótti.
«Baqylaýshylar jumysyndaǵy eń bastysy - saılaýdy ótkizýdiń ashyqtyǵyn, adaldyǵy men zańdylyǵyn qamtamasyz etý», - dep atap ótti «Qazaqstannyń Azamattyq Alıansy» oblystyq fılıalynyń tóraǵasy.
Táýelsiz baqylaýshy zańǵa sáıkes saılaýǵa deıin, kezinde jáne odan keıin ne isteı alady? Olar saılaýdy qalaı baqylaıdy? Sapaly baqylaý degenimiz ne? Baıqaýshylar osy suraqtardyń barlyǵyna arnaıy onlaın-semınarlarda jaýap aldy.
Aqmola oblysynyń baqylaýshylar shtabynyń jetekshisi Erlan Zakırıanov shtabtyń qyzmeti, baıqaýshylardy oqytý jáne saılaý ótetin kúni olardyń jumysyn uıymdastyrý týraly habardar etti.
«Depýtattyq saılaý jańa formatta ótedi. Birinshi kezekte, 16 jylda alǵash ret bul kezekten tys saılaý emes, kezekti saılaý. Ekinshiden, pandemııa ómirdiń barlyq salalaryna, sonyń ishinde saılaý ótkizýge túzetýler engizdi. Úshinshiden, bul zańnamaǵa engizilgen túzetýler. Depýtattar alǵash ret partııalyq tizimder boıynsha ótedi, áıelder men jastar úshin mindetti kvotalar, saıası partııalar qurý úshin músheler sany boıynsha tirkeý talaby eki esege tómendetildi. Osy jańalyqtardyń barlyǵyn biz, baqylaýshylar retinde de bilýimiz kerek», - dep atap ótti Erlan Zakırıanov.
Kásipodaq uıymdary ókilderiniń belsendi qatysýy týraly Aqmola oblysy aýmaqtyq kásipodaqtar birlestiginiń tóraǵasy Qalı Rahmetov aıtyp berdi.
Aıta keteıik, oblysta 9 myńnan astam túrli saladaǵy baqylaýshylar bar: qoǵamshyldar, kásipodaqtar, partııalar, bıznes ókilderi, jastar. Mysaly, 200 baıqaýshy - kásipodaq ókilderi, 697 adam-Azamattyq Alıans, 4 myńnan astam saıası partııa ókilderi.
