Kókshetaýda bastyrmadan túse almaı qalǵan balaǵa qutqarýshylar kómekke keldi
KÓKShETAÝ. QazAqparat - Kókshetaý qalasynda 12 jasar bala dobyn alam dep bastyrmanyń tóbesine shyǵyp, qaıtyp túse almaı qalǵan, dep habarlaıdy QazAqparat.
Aqmola oblysy tótenshe jaǵdaılar departamentiniń málimetinshe, qutqarýshylar balanyń jerge túsýine kómektesken.
Mekemege búgin jasóspirimniń osyndaı oqys jaǵdaıǵa ushyraǵany jaıly habarlama kelip túsken.
Oqıǵa ornyna birden 8 qutqarýshy jáne bir tehnıka attandy.
«Olar úıdiń janyna kelgen soń balanyń bastyrmaǵa dobyn alýǵa shyqqanyn, sodan keıin óz betinshe túse almaı qalǵanyn anyqtady. Jetkinshek jaraqat almas úshin ony qutqarýshy arqannyń kómegimen jerge túsirdik» dep málim etti vedomstvodan.
Aımaqtyq TJD aqmolalyqtardy balalardy qaraýsyz qaldyrmaýǵa shaqyrady.
