Kókshetaýda balalarǵa JQE túsindirý maqsatynda velojarys uıymdastyryldy
KÓKShETAÝ. QazAqparat - Kókshetaýda balalarǵa jol qozǵalysy erejesin túsindirý boıynsha velojarys uıymdastyryldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, Kókshetaýda «Abaılańyz, balalar!» respýblıkalyq aktsııasynyń qorytyndysy shyǵaryldy. Mamandandyrylǵan halyqqa qyzmet kórsetý ortalyǵy mańynda ornalasqan avtodrom aýmaǵynda uıymdastyrylǵan sharaǵa bes mekteptiń ár bireýinen tórt oqýshydan qatysty. Balalarǵa jol qozǵalysy erejesi túsindirilip, nusqama jasaldy.
«Balalar jol qozǵalysy erejesin umytyp qalmaý úshin jıi-jıi osyndaı sharalardy uıymdastyryp turamyz. Velojarysqa qatysqan balalar kóshede velosıpedpen qaýipsiz júrý týraly kóp tájirıbe jınaqtap qana qoımaı, kóńilderin de kóterdi», - deıdi Kókshetaý qalalyq jergilikti polıtsııa qyzmeti bólimi ıývenaldy polıtsııanyń ýchaskelik ınspektory, aǵa polıtsııa leıtenanty Nazıra Tursynbaeva.
Velojarys qorytyndysy boıynsha №10 orta mekteptiń oqýshysy Dmıtrıı Senıkovskıı 1-shi oryn, №16 orta mekteptiń oqýshysy Vıacheslav Ahmetov 2-shi jáne №12 orta mekteptiń oqýshysy Nurbek Ábishev 3-shi oryn aldy. Jalpy, sharaǵa qatysqan barlyq oqýshylarǵa arnaıy gramotalar men estelik syılyqtar úlestirildi.
Eske sala keteıik, jalpy, aktsııa barysynda 49 myńnan astam joǵary synyp oqýshysy men mektepke deıingi mekemelerdegi joǵary toptaǵy balalar, 16 myńǵa jýyq ata-ana, 3 myńnan astam pedagogtyń qatysýymen 1 955 jýyq jol qozǵalysy erejesi qaýipsizdigin saqtaý, lektsııa sııaqty túrli shara uıymdastyryldy.
