Kókshetaýda balalar kópqabatty turǵyn úıdiń shatyryn oıyn alańyna aınaldyryp alǵan
KÓKShETAÝ. QazAqparat-Kókshetaýda kópqabatty turǵyn úıdiń shatyryna shyǵyp oınaǵan bir top balanyń ersi qylyǵy áleýmettik jeli qoldanýshylardyń narazylyǵyn týǵyzdy, dep habarlaıdy "QazAqparat" HAA tilshisi.
Əleýmettik jeli qoldanýshylarynyń deregi boıynsha bir top bala Kókshetaýdaǵy avtoqalashyq shaǵynaýdanyndaǵy Borovskoı kóshesiniń boıyndaǵy "Anı" dəmhanasyna qarama qarsy ornalasqan 61 úıdiń shatyryna shyǵyp oınaǵan.
Turǵyndardyń keıbiri balalardyń mundaı qylyǵyn əleýmettik jeli arqyly ǵana estip bilip jatsa, endi biri: "Onda turǵan eshteme joq, biz de bala boldyq. Biz de shatyrǵa shyǵyp oınadyq", dep jaıbaraqattyq tanytýda. Kópshiligi shatyrda oınap, sýretke túsýdiń sońy qaıǵyly aıaqtalýy múmkin dep alańdaýshylyq bildirýde. Əleýmettik jeli qoldanýshylardyń sózine qaraǵanda balalardyń qaýipti jerdi oıyn alańyna aınaldyrǵanyna biraz ýaqyt bolǵan. Tipti, sol mańda turatyn turǵyndardyń keıbiri shatyrda balalardyń fýtbol oınaǵanyn da kórgenin aıtýda.
