Kókshetaýda bala kútýshi 170 myń teńgeniń zergerlik buıymdaryn qoldy qylǵan
KÓKShETAÝ. QazAqparat - Kókshetaýda quny 170 myń teńgeden asatyn zergerlik buıymdardy urlaǵan bala kútýshi ustaldy, dep habarlaıdy QazAqparat tilshisi Aqmola oblysynyń PD baspasóz qyzmetine silteme jasap.
«Altyn buıymdardyń urlanǵany týraly maýsymnyń 27-i kúni Kókshetaý qalalyq PB kezekshilik bólimine shaǵym tústi. Aryzdanýshy óziniń úıinde bala kútýshi bolyp istegen oblys ortalyǵynyń 28 jastaǵy turǵynyn jaýapkershilikke tartýdy surady.
Anyqtalǵandaı, urlyq 20 mamyr men 10 maýsym aralyǵynda, ıaǵnı boıjetken zardap shegýshiniń úıinde bala kútýshi bolyp jumys istep júrgen kezinde jasalǵan. Alaıda, quny 170 myń teńgeden asatyn altyn buıymdar urlanǵany týraly aryzdanýshy jaqynda ǵana bilgen. Sonymen qatar, urlyqty úıdegi jaǵdaıdy jaqsy biletin adamnyń jasaǵany da anyqtaldy», deıdi vedomstvonyń baspasóz qyzmetindegiler.
Sol kúni bala kútýshi qyzdyń mekenjaıyn anyqtap, túsinikteme aldy.
«Urlyqqa baılanysty QR QK 188-baby boıynsha is qozǵalyp, sotqa deıingi tergeý amaldary júrgizilýde. Kúdikti jasaǵan qylmysyn moıyndady. Ol urlaǵan zattaryn lombardqa ótkizip úlgergen eken. Tergeý amaldary odan ári jalǵasýda», - dep tolyqtyrdy vedomstvodan.
