Kókshetaýda baǵanǵa soǵylǵan kólik ekige bólinip ketti
KÓKShETAÝ. QazAqparat - Kókshetaýda «LADA Priora» kóligi jaryq baǵanyna soǵylyp, ekige bólinip qaldy. Qatty soqqydan kólik ishinde otyrǵan 25 jəne 32 jastaǵy eki jolaýshy kóz jumdy, dep habarlaıdy «QazAqparat» HAA tilshisi jol-patrýldik polıtsııasynyń baspasóz qyzmetine silteme jasap.
Polıtseılerdiń málimeti boıynsha qaıǵyly oqıǵa Kókshetaý qalasynda 14 qańtarda shamamen saǵat 16:30 oryn alǵan.
«Ýəlıhanov kóshesiniń boıynda rólge ıe bola almaǵan «LADA Priora» kóliginiń júrgizýshisi jaryq baǵanyna soǵylǵan. Osynyń saldarynan 1991 jylǵy jolaýshy oqıǵa ornynda til qatpaı ketse, keıin taǵy bir 1984 jylǵy jolaýshy aýrýhanada kóz jumdy. Kólik júrgizýshisi túrli dene jaraqtymen aýrýhanaǵa jetkizildi. Qazirgi kezde, oqıǵanyń mən-jaıy anyqtalyp jatyr», dep túsindirdi polıtseıler.
Qazirgi kezde, QR QK 345 baby boıynsha sotqa deıingi is qozǵalyp otyr.
