Kókshetaýda «Azıada alaýy» is -sharasyna ázirlik sharalary aıaqtaldy - Aqmola oblysy
KÓKShETAÝ. 12 qańtar. QazAqparat /Janmurat Janaıdarov/ - Kókshetaý qalasy ákiminiń orynbasary Aına Músirálimovanyń tóraǵalyǵymen «Azıada alaýy» is-sharasynyń ázirlik sharalary qarastyrylyp, soǵan oraı daıyndyq jumystary qorytyndylandy.
Basqosýǵa aldaǵy alaý sherýine oblys ortalyǵynan otyz, al Şýche qalasynan osynsha belgili sportshylar, sport jýrnalısteri, qalalardyń qurmetti azamattary, jastar birlestikteriniń belsendileri qatysatyn bolady. Olarǵa bir úlgide kıim tigilip, alaýdy alyp júrý baǵyttary aıqyndalǵan. 22 qańtar kúni Kókshetaý qalasynda alaý sherýi 20 sporttyq nysandy, ortalyq alańdardy, qalanyń kórikti aımaqtaryn aralap, aldaǵy Qysqy Azıadanyń mán-maǵynasy, sporttyń mańyzy jaıynda úgit-túsinik sharalaryna qatysady. Sherýge elimizge esimi keńinen belgili sportshylar Mereke Júsipov, Rýslan Mýsınov, Marııa Grabovetskaıa, Jamal Panahov, sport jýrnalısi Qalymbek Muhamedjanov jáne basqa da baspasóz, mádenıet ókilderi qatysatyny tııanaqtalǵan. Bul kún óńir úshin úlken mańyzy bar sport merekesine ulaspaq.
