Kókshetaýda azamattyq qorǵaý akademııasynyń oqytýshysy óli kúıinde tabyldy

M. Ǵabdýllın atyndaǵy azamattyq qorǵaý akademııasyndaǵy kabınetterdiń birinen 23 jastaǵy ofıtserdiń denesi tabyldy, dep habarlaıdy Kazinform agenttiginiń tilshisi.

Aqmola oblystyq polıtsııa departamenti baspasóz qyzmetiniń habarlaýynsha, 2 sáýir kúni Kókshetaý qalasynda ornalasqan QR TJM qarasty M. Ǵabdýllın atyndaǵy azamattyq qorǵaý akademııasy ǵımaratynda oqytýshynyń denesi tabyldy. 

— Aldyn ala túsken málimet boıynsha ol sýıtsıd jasaǵan. Qylmystyq is tirkeldi. Sebebi men mán-jaıy anyqtalyp jatyr, — dep habarlady Aqmola oblystyq polıtsııa departamenti baspasóz qyzmeti.

M. Ǵabdýllın atyndaǵy azamattyq qorǵaý akademııasy baspasóz qyzmetiniń habarlaýynsha, qazir osy oqıǵa boıynsha jedel jan-jaqty tergeý jumysy júrip jatyr.

— Bul oqıǵa onyń kásibı qyzmetine baılanysty emes. QR QPK 201 baby boıynsha ózge aqparat jarııalaýǵa jatpaıdy, — dep habarlady azamattyq qorǵaý akademııasy baspasóz qyzmeti. 

Eske salsaq, buǵan deıin Jambyl oblysynda polıtsııa qyzmetkeri asylyp qaldy. Aqtóbe qalasynda da polıtsııa qyzmetkeriniń denesi tabyldy.