Kókshetaýda azamattyq qorǵaý akademııasynyń kýrsanty qyz zorlady degen kúdikke ilindi
KÓKShETAÝ. KAZINFORM — Kókshetaýdaǵy azamattyq qorǵaý akademııasynyń kýrsantyna qatysty qyz zorlady degen kúdikpen qylmystyq is qozǵaldy.
«2024 jyldyń 1 qyrkúıeginde Kókshetaý qalasynyń polıtsııa basqarmasyna aryz tústi. Onda Tótenshe jaǵdaılar mınıstrligine qarasty Málik Ǵabdýllın atyndaǵy azamattyq qorǵaý akademııasynyń kýrsanty qylmys jasaǵany aıtylǵan. Qylmystyq protsessýaldyq kodekstiń 201-babyna sáıkes ózge aqparat jarııa etýge jatpaıdy. Osy derek boıynsha quzyretti organdar qyzmettik tekserý júrgizedi», — dep túsindirdi Kazinform tilshisiniń saýalyna Málik Ǵabdýllın atyndaǵy azamattyq qorǵaý akademııasynyń baspasóz qyzmetinen.
Aıta ketsek, atalmysh bilim ordasynyń kýrsanty boıjetkendi zorlaǵany týraly aqparat áleýmettik jelide taraǵan bolatyn.
Eske salaıyq, budan buryn Aqmola oblysynda 6 jasar qyzdyń ish kıimin sheshken er adam ustalǵanyn jazǵan edik.
