Kókshetaýda áıelder komandalary arasynda basketboldan Qazaqstan kýbogy jarysy ótedi
ALMATY. Qyrkúıektiń 21-i. QazAqparat /Erlik Erjanuly/ - Kókshetaýda qyrkúıektiń 26-sy men qazannyń 1-i aralyǵynda áıelder komandalary arasynda 2010 jylǵy Qazaqstan kýbogy sarapqa salynady,
dep habarlaıdy QazAqparat.
Jarys ótken jylǵy Qazaqstan kýbogynda 1, 3 oryndardy ıelengen "Ertis" (Pavlodar) pen "Taraz"(Taraz) arasyndaǵy oıynmen bastalady. Odan keıin alań qojaıyndarynyń "Oqjetpesi" men "Almaty"(Almaty) ózara saıysqa túsedi. Al kelesi kúni almatylyqtar Astananyń "Jolbarystarymen", jarys qojaıyndary pavlodarlyqtarmen kezdesedi.
Byltyr áıelder komandalary arasyndaǵy Qazaqstan kýbogy dodasy jeltoqsannyń 7-11 kúnderi Qostanaıda ótken bolatyn. Onda aqtyq synda astanalyqtarmen kezdesken jarys qojaıyndarynyń mereıi ústem shyqty. Al sońǵy 2 oryndy "Taraz" ben "Astana-2" komandalary bólisken edi.
