Kókshetaýda áıelder arasynda bokstan Qazaqstan chempıonaty ótedi
ALMATY. 28 aqpan. QazAqparat /Ádilet Musahaev/ - 1-7 naýryz aralyǵynda Kókshetaýda Qazaqstan Respýblıkasynyń ІІІ jazǵy spartakıdasy aıasynda áıelder arasynda bokstan Qazaqstan chempıonaty ótedi.
10 salmaq dárejesi boıynsha ótetin jarysqa, elimizdiń barlyq oblystarynan 150-ge jýyq bylǵary qolǵap sheberleri qatyspaq. Olardyń qatarynda XVI jazǵy Azııa oıyndarynyń qola júldegeri Saıda Hasenova, 2010 jyly Álem chempıonatynyń aqtyq synynda óner kórsetken Marına Volnova, 2008 jyly Álem chempıonatynyń qol júldegeri atanǵan Elena Koltsova bar.
Áıelder arasynda bokstan QR chempıonaty osymen jetinshi ret ótkizilgeli otyr.
Sondaı-aq osy merzim aralyǵynda atalǵan qalada elimizdiń jastar men jasóspirimder arasynda da bokstan chempıonat bolady. Ol 14 salmaq dárejesi boıynsha ótpek.
