Kókshetaýda avtobýs pen júk kóligi soqtyǵysty
ASTANA. KAZINFORM — Jaraqat alǵandardyń arasynda eki júrgizýshi men avtobýs jolaýshysy bar. Olar aýrýhanaǵa jetkizildi.
Aqmola oblysy Polıtsııa departamentiniń baspasóz qyzmetiniń málimetinshe, Kókshetaý qalasynda Shanhaı dep atalatyn Zastantsıonnyı kópiri mańynda № 11 baǵyttaǵy Yutong avtobýsy men «ZIL» júk kóligi soqtyǵysty.
— Jol-kólik oqıǵasynyń saldarynan eki júrgizýshi men avtobýs jolaýshysy jeńil jaraqat aldy. Olar medıtsınalyq mekemege jetkizilip, tıisti kómek kórsetilgennen keıin úılerine qaıtaryldy, — dep habarlady vedomstvo.
Polıtsııa atalǵan jol-kólik oqıǵasyna qatysty tekserý júrgizip jatyr. Tekserý nátıjesine saı kináli tulǵa ákimshilik jaýapkershilikke tartylady.
Eske sala keteıik, buǵan deıin Qonaevta bala kólik astyna túsip, mert bolǵany habarlanǵan bolatyn.
Aqzat Jıenalına
