Kókshetaýda aýyl áıelderiniń forýmy ótti
KÓKShETAÝ. QazAqparat - Búgin Kókshetaý qalasynda Aqmola óńirindegi aýyl áıelderiniń forýmy ótti. Oǵan Májilis depýtaty Maıra Aısına qatysty, dep habarlaıdy QazAqparat tómengi palatanyń baspasóz qyzmetine silteme jasap.
Alqaly jıynda Maıra Aısına aýyldyq jerlerdegi áleýmettik-ekonomıkalyq damý, áıelderdi qoldaý jáne jumysqa ornalastyrý máselelerin qozǵady.
Búginde Aqmola oblysynda memlekettik basqarý organdarynda eńbek etetin áıelderdiń úlesi artyp keledi. Barlyq deńgeıdegi máslıhattardaǵy 276 depýtattyń 70-in názik jandylar qurasa, 532 jergilik atqarýshy organdardyń 147-isinde áıelder basshylyq qyzmetterde isteıdi. 56 áıel selolyq okrýgterdiń ákimderi bolyp qyzmet etýde. Sharýa qojalyqtaryn basqaryp otyrǵan áıelder de bar.
Shamamen 400 áıel «Nátıjeli jumyspen qamtý jáne jappaı kásipkerlikti damytý» baǵdarlamasynyń arqasynda óz kásipterin dóńgeletip otyr. Ústimizdegi jyly 662 áıel kásipkerlik negizderine oqytylǵan.
Bul kúni forýmǵa arnaıy kelgen basqa da meımandar óz oılaryn ortaǵa salyp, «Aýyldyq aımaqtardyń áleýmettik-ekonomıkalyq damýy», «Jergilikti ózin-ózi basqarýdy damytý, bıýdjettiń tórtinshi deńgeıi» taqyryptaryn plenarlyq otyrystarda keńinen talqylady. Aýdandardan kelgen qatysýshylar mınıstrlik ókilderine tolǵandaryn saýaldaryn qoıyp, ótinish- tilekterin jetkizdi.
