Kókshetaýda atys boldy
KÓKShETAÝ. QazAqparat - Kókshetaýda atys boldy, polıtsııa oqıǵanyń mán-jaıyn anyqtaýda, dep habarlaıdy QazAqparat tilshisi.
Oqıǵa týraly aqparat áleýmettik jelide tarady.
«Pýshkın kóshesiniń Abaı jáne Áýelbekov kósheleri aralyǵy, ıaǵnı The Beze, «Mıasorýbka» dámhanasy tusy qorshalǵan. Oqıǵa ornynda polıtsııa jumys istep jatyr. Kýágerlerdiń aıtýynsha, atys bolǵan», - delingen jazbada.
Osy oqıǵa boıynsha QazAqparat tilshisi oblystyq Polıtsııa departamentinen surap bildi.
«Qazirgi kezde, oqıǵa ornynda polıtsııa qyzmetkerleri jumys isteýde. Jedel-tergeý sharalary júrgizilip, mán-jaı anyqtalýda», - dep jaýap berdi QazAqparat tilshisiniń saýalyna departamentten.
