Kókshetaýda ata-anasyna koronavırýs juqtyrǵan astanalyq dáriger kóz jumdy
KÓKShETAÝ. QazAqparat - Kókshetaýda ata-anasyna koronavırýs juqtyrǵan astanalyq dáriger kóz jumdy, dep habarlaıdy QazAqparat tilshisi oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentine silteme jasap.
Vedomstvonyń málimetinshe, 43 jastaǵy astanalyq naýqas dáriger eki apta boıy Aqmola oblystyq týberkýlezge qarsy dıspanseriniń juqpaly aýrýlar dıspanserinde em qabyldaǵan.
«Sońǵy bir aptada naýqastyń jaǵdaıy kúrt nasharlap ketti. Sol sebepti ol jasandy tynys alý apparatyna apparatyna qosyldy. Alaıda, dárigerler onyń ómirine arasha túse almady. Ol búgin kóz jumdy», - delingen vedomstvonyń habarlamasynda.
43 jastaǵy astanalyq dáriger Kókshetaýdaǵy ata-anasyna qonaqqa kelgen bolatyn. Keıin onyń ózi men ata-anasy jáne ápkesinen koronavırýs tabyldy. Kóp uzamaı ata-anasy araǵa eki kún salyp, birinen soń biri kóz jumdy. Endi ózi koronavırýstyń qurbanyna aınalyp otyr.
Sonymen qatar, kóz jumǵan dárigerdiń ápkesi men ápkesiniń áriptesterinen de koronavırýs anyqtalǵan.
Aıta keteıik, Qazaqstanda COVID-19 -dan barlyǵy 147 adam kóz jumǵan.
