Kókshetaýda Assambleıanyń belsendi músheleri marapattaldy
Sessııaǵa jınalǵandar Qazaqstan halqy Aqmola assambleıasy tóraǵasynyń orynbasary, «Aqmola oblysynyń «Vıdergebýrt» nemister qoǵamy» qoǵamdyq birlestiginiń tóraıymy Svetlana Korneevanyń ótken jyldan beri atqarǵan qajyrly eńbegine rızashylyq bildirdi. Onyń ornyna Qazaqstan halqy Aqmola Assambleıasy tóraǵasynyń orynbasary bolyp, assambleıa múshesi, «Aqmola oblysynyń sheshen-ıngýsh «Vaınah» qoǵamy» qoǵamdyq birlestiginiń tóraǵasy Gerıhan ıAndıev taǵıyndaldy.
Sharaǵa qatysqan aımaq basshysy Málik Myrzalın jınalǵandardy Qazaqstan Respýblıkasynyń Tuńǵysh Prezıdenti kúni merekesimen quttyqtady. Sondaı-aq, Qazaqstan halqy Aqmola assambleıasynyń bekitilgen jańa quramymen tanystyryp, eńbekterine jemis tiledi.
Quttyqtaý sózinde aımaq basshysy Táýelsiz elimizdiń birligi jarasyp, damýdyń dańǵyl jolyna túsýde Qazaqstannyń Tuńǵysh Prezıdenti, Ult kóshbasshysy, Nursultan Nazarbaevtyń róline erekshe toqtaldy.
«Ulystar dostastyǵy - bizdiń basty baılyǵymyz, maqtanyshymyz. Halyq birligi - bizdiń basty jetistigimiz. Osy prıntsıpterdi eskere kele Elbasymyz Qazaqstan halqy Assambleıasyn qurdy. Búginde ol ultarlyq birlik pen qoǵamdyq kelisimdi nyǵaıtýdyń azamattyq ınstıtýtyna aınalyp otyr», - dedi Málik Myrzalın.
Sessııa sońynda óńir basshysy Assambleıa belsendilerin «Qazaqstan halqy Assambleıasyna - 20 jyl» medalimen, QHA birligi altyn medalimen, «Qurmet» gramotasy jáne Alǵys hatpen marapattady.
